Jan 16, 2026
By Admin
14 қазан 2025
0 Comments
Биология кафедрасында «Белоктар – тірі ағзалардың негізі» тақырыбында ашық сабақ өтті. Сабақты профессор М. Р. Баратова жүргізіп, тыңдаушыларға белоктардың құрылысы мен биологиялық маңызы жөнінде терең ғылыми түсінік берді.
Сабақ барысында студенттер белоктардың элементтік құрамы, денатурация үдерісі, жіктелуі, қарапайым және күрделі протеиндердің айырмашылықтары сияқты теориялық ұғымдарды қарастырды.
Практикалық бөлімде тыңдаушылар зертханалық жағдайда тәжірибелер орындап, белоктардың қасиеттерін анықтау бойынша эксперимент жүргізді. Зерттеу барысында қауіпсіздік ережелері мен ғылыми дәлдікті сақтау ерекше назарда болды.
Профессор Баратова мұндай сабақтардың студенттердің теориялық білімін тереңдетіп қана қоймай, ғылыми зерттеу дағдыларын қалыптастыратынын және биохимияға деген қызығушылықты арттыратынын атап өтті.
Сабақ соңында қатысушылар алынған нәтижелерді талқылап, белоктардың тіршілік үшін маңызын қорытындылады. Ашық сабақ студенттердің белсенді қатысуымен өтіп, биология және агротехнология салаларындағы болашақ мамандардың кәсіби дамуына үлес қосты.
